Qoomkan Reer Sheikh Isxaaq iyo Walaalahooda Reer Somaliland ee xadaaradda dheer lehi ee Islaamka ahi ee dhaqanka suuban ee damiirka wanaagsan lehi ee xumaha ka xishooda ee gobta ahi ee caloosha furan ee hiil iyo hooba lehi ee geesiga ahi iyo Dhulkoodan hooyo ee barakeysan ee hodanka ahi, waxuu leeyahay nacab badan oo Soomaali iyo Shisheeyeba leh kuwaasoo ku haya xin, xaasidnimo, sixir, aflagaado, gardaro, shirqoolo, falal argagixiso, iyo colaado gamuurtay oo baaxad weyn oo joogto ah inkastoo dadyowgaasi iyo wadamadoodaba aaney godob ka gelin waxna u geysan waxna ka haysan!
Nacabka Reer Sheikh Isxaaq iyo Walaalahooda Reer Somaliland, waxa ka mid ah badanaa Reer Somalia iyo Puntland iyo maamuladooda, Reer Kilinka Shannaad ee ehelka u ah argagixisada ONLF ee dalka Ethiopia; xukumadda Djibouti, wadamada ka kooban ururka IGAD marka laga reebo dalka Ethiopia, badanaa wadamada Carabta iyo Jaamicada Carabta, ururka UN, wadamada iyo ururka EU marka laga reebo dalka UK , iwm; wadamada iyo ururka AU marka laga reebo inyar oo fara ku tiris ah sida wadanka South Africa, Ethiopia, Nigeria, Senegal, iwm.
Tolow, nacabkan Soomali iyo shisheeyaha lehi ee huwanta ahi, miyaa nalagu soo habaaray? Mise waa la inagu itixaamaya?
Tolow, nacabkan kuwooda Muslimka ahi iyo kuwooda Soomaalida ahi ee inoo eg ee aanu u maleynayno inay inala mid yihiin ama aanu isku ummad nahay, ma munaafiqiinta uu Eebe uga digay guud ahaan Muslimiinta iyo Mu’miniinta baa? Maxay Reer Somalia gaar ahaan shacbigoodu, aqoonyahankoodu, culimadoodu, madax dhaqaameedyadoodu, iyo siyaasintoodu u dafirayaan in Somaliland iyo Somalia ay ahaayeen laba dal oo xor ah oo
xad caalami ahi kala lahaa oo laba isticmaar ka kala xoroobey dabeetana ikhtiyaarkood midoobay sannadka 1960-kii?
Maxay Reer Somalia u dafiraan dilkii, dhaci, xadhigii, jidh dilkii, umula dooxi, baarakicinti, xasuuqi, iyo iskudaygii gumaad ee ay u geysteen dadka rayidka ah ee Reer Somaliland gaar ahaan maatada, dumarka, iyo caruurta ama bir mageydada oo ay xaqa u aasaan kuna andacoodaan Soomaali oo dhan ayuu dhibkaasi soo wada gaadhay?
Tolow, dhibka ay ku andacoonayaan ee ay leeyihiin Soomali oo dhan buu soo gaadhey ee ay iyagu isu geysteen, maxay u barbar dhigaan dhibka ay iyaga iyo xukumadahoodu ay inoo geysteen?
Maxay Reer Somalia uga soo horjeedaan qadyada, nabadgelyada, horumarka, dib ula soo noqoshadii xoriyadda, gooni isu taaga, iyo jiritaanka Somaliland tan iyo sannadka 1991-kii?
Waxa la yaab leh qadyadda Reer Sheikh Isxaaq iyo Walaalahooda Reer Somaliland ee xornimada, nabada, iyo horumarka jecel ee xaqa, garta, iyo cadaalada jecel ee garowshiyaha iyo deeqsimada lehi ee had iyo gooraale xeeriya Soomaalinimada, Islaamnimada, xoriyatul qawlka iyo xuquuqaha Aadnimada ee ku dhaqma dhaqankooda iyo Diintooda suuban Eebahoodana ka cabsada, waxa intaasoo nacab ahi ay ula coloobeen ee ay isugu gaashaan buureysteen inay ka shaqeeyaan burburkooda, dulmigooda, iyo waxyeelooyinkooda dhinac walba ahi iyo sida falalkoodaas foosha xumi ee xaq darada iyo daalinnimada ahi ay ugu suurtobi la’yihiin had iyo gooraalena ay kala kulmaan fashilaad iyo guul darooyin baaxad weyn!
Waxa kale oo la yaab leh quwada Reer Sheikh Isxaaq iyo Walaalahooda Reer Somaliland marka loo eego duruufaha ay ku nool yihiin ee ay weliba ku dhaqdhaqaayaan ee ay xumaha kaga dhiidhiyayaan iyo waxyaabaha ay ku miigan yihiin ee ay sida geesinimada leh ay ugu dagaalamayaan marka loo barbar dhigo quwadaha kala duwan ee ay kala soo horjeedaan nacabkooda iyo cadadka gaashaan buurtooda!
Hadaba, waxa is weydiin leh halka ay ka soo jeedo quwadda intaas le’eg ee ay Reer Sheikh Isxaaq iyo Walaalahooda Reer Somaliland ay iskaga caabiyaan nacabkooda huwanta ahi kuwaasoo ay aakhirkii ka adkaadaan?
Anigoo su’aashaas kor ku xusan tixraacaya, ayaa waxaan halkan uga cadeenaya nacabka iyo nasteexa Reer Sheikh Isxaaq iyo Walaalahooda Reer Somaliland halka ay ka soo jeedo quwaddaas qarsoon taasoo ah quwad Rabbaani ah maadaama ay yhiin:
· Qoom Reer Bani Haashim ah oo Saada ah oo ka mid ah Duriyaddi Nebigeena udgoon ee Muxammad (SAW)
· Qoom uu Shiikii dhaly iyo Awliyadooduba ay hore ugu duceyeen
· Qoom Gob ah oo xumaha ka xishooda
· Qoom Geesi ah oo hiil iyo hooba leh
Intaas waxa ii dheer, sannad walba, waxa qoomkan Reer Sheikh Isxaaq, Asharaafta ama Reer Bani Haashiim iyo dhamaan Duriyadda Nebi Muxammad (SAW) looga duceeyaa si wadar ahaaneed oo dadban/cadaan ah oo ay sammadu furantahay Dikriga labada munaasabadood ee Ciidaha sida Ciid Ul Fitir iyo Ciid Ul Adxa munaasabadaaso ka kooban dhaamaan Islaamka Caalamka kuwaasoo lagu qiyaaso inay yihiin laba billion oo Muslim ah (2,000,000,000,000) kuwaasoo ay ka mid yihiin nacabkooda Reer Somalia iyo Puntland, Kilinka Shannaad, Djibouti, iyo dhamaan wadama Carabta iyo ururkooda Arab League!!
Tusaale No. 1: Dikriga Munaasabada Ciida:
- Allahu Akbar,
Allahu Akbar,
Allahu Akbar,
Laa Ilaaha Illa Allah.
- Allahu Akbar Allahu Akbaru Wa Lillahil-xamid.
- Alahu Akbar Kabiira,
Walxamdu Lillahi Kathiira,
Wa Subxaana Allahi Bukratan Wa Asiila.
- Laa Ilaha Illa Allahu Waxdah,
Sadaqa Wacdah,
Wa Nassara Cabdah,
Wa Acaza Jondahu Wa Hazama Alaxzaba Waxadah.
- La Illaha Illa Allah, Wa La Nacbudu Illa Iyyah,Mukhlisina Lahul diina Wa Law Kariha Alkafirun.
- Allahumma Salli Cala Sayyidina Muxammad,
Wa Cala Aali Sayyidina Muxammad,
Wa Cala Asxaabi Sayyidina Muxammad,
Wa Cala Ansari Sayyidina Muxammad,
Wa Cala Azwaaji Sayyidina Muxammad,
Wa Cala Durriyyati Sayyidina Muxammad,
Wa Saliim Tasliiman Kathiira.
Tusaale No. 2: Ducadii Waligeeni Waalidkeeni Sheikh Cabdiraxmaan Ismaaciil (Sheikh Cabdi Ayuub) uu Kaga tiraabay qaddiyada Durriyadda sagaashan sano ka hor:
Allaa mahad leh Mawlaha khalqiga magan Ilaahbaa leh
Malaa’igta Khayrkuun sidiyo Maxammad baa Nuur leh
Inta maqashay ee raacday iyo magac Islaan baa leh
Inta Mawle garansiiyay iyo marina daw baa leh
Sidii wali cilmiga maamiyay oo meel fog ka arkaaya
Oo waxa dambiga lagu muto iyo waxa ka maydhaaya
Intuu maadadaa kuu fasiray raacay marinkiisa
Mashquulkaa waxa iigu wacan meel fog baan tagay eh
Maqribkii Makaan ka adimaa Maydhna subaxii eh
Carshigaan mushaaxaa sidii malag Ilaahay eh
Midigtii Rasuulkaan ahay iyo Mudanow Sheekhii eh
Martida waxan ka sooraa halkuu maalkayagu yaale
Nina ima malayn karo markaan mawjadaa galo eh
Minawara waxan kala hadlaa mayt iyo xay eh
Maqalbaan hangool u sidaa maalin iyo layl eh
Markab laba musbaar maqan tahay ayaan meel ka kabayaa eh
Maroodi baan u cawsaynayaa maangad yuurara eh
Ana kama maqnaan karo iyana igama maarmaan eh
(xigasho: Cumar Cismaan).
Sidaas daraadeed, waxan halkan uga digaya gaar ahaan nacabka Garoowe, Baydaba, Xamar, iyo Goday yuurura ee ku hadaaqa aflagaadooyinka ay ka mid yihiin Qaldaan, Xun yahaw xunku dhalay, Gaalo, Dir Waqooyi, dalka isku magacaabay Somaliland, Soomaalidiid, iyo iwm ee Soomaalinimada, midnimada, iyo Somaliweynta huu haada ah wada ee ka soo hor jeeda qadyadda iyo jiritaanka Somaliland kuna muransan xadkayaga caalamiga ahi ee kuwooda kale ee Diinta Islaamka ku qaraabanayaan si ay dhul iyo xukun u boobaan ee nacabnimadu kujirto, inay ka waantoobaan colaadoodaas macno darada ahi, qabyaaladoodaas sumeysan, iyo falalkoodaas foosha xun ee argagaxisada ahi ee ay hadh iyo habeen ku if iyo aakhiro seegeen sida ay ugu maleegayaan inay ku waxyeeleeyaan qomkan Reer Sheikh Isxaaq ee Saada ah ee barakeysan ee duceysan iyo Walaalahooda Reer Somaliland oo ay dantooda gartaan Eebehoodana ka cabsadaan una toobad keenaan.
Nacabkow, bal u fiirso dhinacna colaad joogto ah oo xaq daro ah ayeydun nagu haysaan, dhinaca kalena weydun nooga duceynaysaan idinkoo aan is ogeyn? Tolow, ma Diinta Islamka ayeydun gebi ahaan nooga bixi doontaan markaydun akhrisataan maqaalkan xaqiiqada xambaarsan? Mise Takbiirta labada Ciidood baydun qaadici doontaan si aydun mar dambe ugu duceyniin Reer Sheikh Isxaaq? Mise xinka, xasadka, colaada, iyo xumaha ayeydun ka soo noqon oo Eebe ayeydun u toobad keeni doontaan?
Bal is weydiiya Ciid Ul Fitir-kii wiigan uu caalamku u wada dabal degay sababta aydun Takbiirta codadkiina ugu dhaadheer aydun ugu dhawaqeyseen? Takbiirtu ma dhab ayey idinka ahayd, mise waxaydun ismaqashiinayseen oo is tuseyseen ayu Jinni wal Insi? Mise Malaa’igta iyo Eebe ayeydun ismaqashineyseen? Bal isweydiiya yaad ku Dikriyeyseen una duceyneyseen? Ma ka adkaan kartaan qoom Saada ah oo barakaysan oo xaqa ku jooga oo aan godob idinka gelin waxna aan idinka sedan oo sannad walba ay 2,000,000,000,000 Muslim ahi ay u duceeyaan?
Guul iyo Gobanimo,
Farah Ali Jama,
Ottawa, Canada
No comments:
Post a Comment