Madaxweynaha Jamhuuriyadda Somaliland, Mudane Daahir Rayaale Kaahin ayaa Wasiirka iyo Masuuliyiinta uga mahadceliyey soo dhaweynta fiican ee loo fidiyey taasi oo ay ka sinnaayeen min Safaaradda Addis Ababa illaa iyo Home Office-ku.
Madaxweynaha iyo Weftigiisu waxay ka wada hadleen, wixii ka qabsoomay kullamadii uu Madaxweynuhu sannadkii hore la yeeshey, Lord-kii ka horreey ee Lord Treisman, taasi oo Wasiirku u sheegay Madaxweynaha in wax qabsoomeen, wax kaloo badanina ay qabsoomi doonaan, Mustaqbalka dhaw. Kullankaasi oo Madaxweynaha ay kala qayb galeen, dhammaan Weftiga la socday iyo Safiirka Cusub ee Somaliland u fadhiya, Ingiriiska, Mr. Aadan Muse Jibriil, Safiirka ( Ambassador at Large) Mudane, Maxamed Aar iyo Saraakiil kale oo ka tirsan Xafiiska Somaliland ee UK.
Waxa kaloo shalay Madaxweynuhu ku qaabilay Hudheelka uu deggan yahay, Xubno fara badan oo ka socda Axsaabta kala duwan, ee Dalka, kuwaasi oo ka mid ahaayeen, Xubno ka socda Xisbiyada Qaranka JSL.
Xigasho: Somalilandpatriots
No comments:
Post a Comment